ભારતને 78 વર્ષ થઈ ગયા છતાં NTDNT (વિચરતી અને વિમુક્ત જાતિઓ)ના સમાજો હજુ પણ
પોતાના મૂળભૂત હકોથી વંચિત છે. આઝાદી બાદ
અનેક પરિપત્રો, વચનો અને યોજનાઓ આવી પરંતુ આજ સુધી આ સમાજને યોગ્ય
ન્યાય મળ્યો નથી. ગુજરાતમાં લગભગ 40 સમુદાય અલગ અલગ રીતે જીવ્યા છે,
લડ્યા છે, પણ ક્યારેય એકતા સાથે આગળ આવ્યા નથી.

સરકારોનું વલણ – વચન ઘણાં, કામ ઓછું

દરેક સરકાર ચૂંટણી પહેલાં વચનો આપે છે – અનામત, શિક્ષણ, રોજગાર, રહેઠાણ જેવી સુવિધાઓની.
પરંતુ ચૂંટણી બાદ એ વચનો ભૂલાઈ જાય છે. આ સમાજને માત્ર
વોટ બેન્ક તરીકે વાપરવામાં આવ્યો છે.
રાજકીય લોકો પોતાનું ફાયદું લઇ ગયા પરંતુ સમાજને ન્યાય નહીં મળ્યો.

એકતા નો અભાવ – સૌથી મોટો અવરોધ

40 સમુદાયોમાં દરેકે પોતાની જાત માટે લડત કરી, પરંતુ સંયુક્ત રીતે ક્યારેય આગળ આવ્યા નથી.
આ વિખરાવના કારણે સરકારને સમાજને અવગણવા સહેલું બન્યું.
જે દિવસે તમામ 40 સમુદાય એક મંચ પર આવશે તે દિવસે સાચી ક્રાંતિ થશે.

“આઝાદી પછી પણ સાચી આઝાદી ત્યારે જ મળશે જ્યારે NTDNT સમુદાયો પોતાના હકો સાથે ગૌરવથી જીવી શકશે.”

સોશિયલ મીડિયા ચર્ચાથી કંઈ નહીં મળે

આજકાલ દરેક ગ્રુપમાં ચર્ચા થાય છે, મેસેજ થાય છે.
પરંતુ સાચું પરિવર્તન ત્યારે જ આવશે જ્યારે
ડેટા ભેગો કરાશે,
ગામે ગામનું સર્વે થશે અને સરકાર સામે પુરાવા સાથે રજૂઆત થશે.
નહીં તો રસ્તા પર ઉતરીને આંદોલન કરવું પડશે.

યુવાનોની ભૂમિકા – આશાની કિરણ

સમાજના યુવાનો આજે જાગી રહ્યા છે. તેઓ શિક્ષણ, રોજગાર અને
ટેકનોલોજીનો ઉપયોગ કરી રહ્યા છે. જો આ યુવા શક્તિ એકતા સાથે જોડાશે
તો સમાજનો અવાજ ખૂબ જ મજબૂત બની જશે.
યુવાનોની આગેવાની હવે સમયની માંગ છે.

આગળનો માર્ગ

NTDNT સમુદાય માટે હવે બે રસ્તા છે:

1. આંદોલનનો માર્ગ – રસ્તા પર ઉતરી સરકારને ઝુકાવવું.
2. ડેટાનો માર્ગ – પુરા સર્વે અને આંકડા ભેગા કરી પુરાવા સાથે રજૂઆત કરવી.

નિર્ણય સમાજના હાથમાં છે.

✊ હવે જાગો, જોડાઓ અને તમારા હક માટે લડો!