NTDNT મુક્તિ દિવસ નિમિત્તે ગુજરાતભરમાં હકની ગૂંજ: વિવિધ જિલ્લામાં કલેક્ટર-મામલતદારને આવેદનપત્રો અપાયા

Post Above Advertisment

NTDNT મુક્તિ દિવસ નિમિત્તે ગુજરાતભરમાં હકની ગૂંજ: વિવિધ જિલ્લામાં કલેક્ટર-મામલતદારને આવેદનપત્રો અપાયા

40 જ્ઞાતિ-સમુદાયની પડતર માંગણીઓને લઈને NTDNT આગેવાનો મેદાનમાં; અનામત, શિષ્યવૃત્તિ સહિતના પ્રશ્નો ઉકેલવાની માંગ

ગુજરાત। 31 ઓગસ્ટ NTDNT મુક્તિ દિવસ નિમિત્તે ગુજરાતના વિવિધ વિસ્તારોમાં NTDNT સમાજની વર્ષોથી પડતર રહેલી માંગણીઓને લઈને રજૂઆતનો સિલસિલો જોવા મળ્યો હતો. NTDNT હક સમિતિ તથા વિવિધ સમાજના આગેવાનો અને પ્રતિનિધિઓ દ્વારા અલગ-અલગ જિલ્લા અને તાલુકા મથકો પર પહોંચી કલેક્ટર અને મામલતદાર કચેરી ખાતે આવેદનપત્રો આપી સરકાર સમક્ષ સમાજના પ્રશ્નો રજૂ કરવામાં આવ્યા હતા.

આ રજૂઆતોમાં માત્ર મુક્તિ દિવસની ઉજવણી પૂરતી વાત ન રાખી, પરંતુ NTDNT સમાજના અધિકારો અને પડતર પ્રશ્નો અંગે સરકાર દ્વારા નક્કર નિર્ણય લેવામાં આવે તેવી માંગ કરવામાં આવી હતી.

🔥 શું છે NTDNT સમાજની મુખ્ય માંગણીઓ?

NTDNT પ્રતિનિધિઓ દ્વારા મુખ્યત્વે નીચેની માંગણીઓ સરકાર સમક્ષ રજૂ કરવામાં આવી હતી:

👉 OBC વર્ગીકરણમાં NTDNT માટે 11% અલગ અનામત આપવામાં આવે.

👉 EWSની જેમ NTDNT માટે ₹8 લાખની આવક મર્યાદા કરવામાં આવે.

👉 અગાઉના વર્ષોના સ્કોલરશીપ પોર્ટલ ફરી ખોલવામાં આવે.

👉 સહાય નહીં, NTDNT વિદ્યાર્થીઓને પૂર્ણ સ્કોલરશીપ આપવામાં આવે.

પ્રતિનિધિઓએ જણાવ્યું હતું કે શિક્ષણ, રોજગાર, અનામત અને આર્થિક સહાય સહિતના પ્રશ્નો સમાજના ભવિષ્ય સાથે સીધા જોડાયેલા છે. તેથી માત્ર આશ્વાસન કે જાહેરાતો પૂરતી નહીં પરંતુ નક્કર નીતિગત નિર્ણય અને અમલ જરૂરી છે.

📍 વિવિધ સ્થળોએ થઈ રજૂઆત

મહેસાણા: NTDNT પ્રતિનિધિમંડળ દ્વારા જિલ્લા કલેક્ટરને આવેદન આપવામાં આવ્યું. આ દરમિયાન M.R.S. મારો રાવળ દેવ સમાજ સેવા ટ્રસ્ટના પ્રમુખ ચંદુભાઈ, અરવિંદભાઈ, ધીરજભાઈ, ગોસ્વામી સમાજના પ્રતિનિધિઓ તેમજ NTDNT હક સમિતિના વાઇસ પ્રેસિડેન્ટ રામગિરિ ગોસ્વામી ઉપસ્થિત રહ્યા હતા.

જોટાણા: તાલુકા NTDNT પ્રતિનિધિમંડળ દ્વારા મામલતદારને આવેદન આપવામાં આવ્યું. પ્રદેશ કન્વીનર ઘનશ્યામભાઈ સહિત ત્રિભોવનભાઈ, જગાભાઈ અને અલ્પેશભાઈ ઉપસ્થિત રહ્યા હતા.

કડી: NTDNT આગેવાનો લાલભાઈ અને બળદેવભાઈ દ્વારા કડી મામલતદારને સમાજની પડતર માંગણીઓ અંગે આવેદનપત્ર આપવામાં આવ્યું.

ગાંધીધામ: હરગોમભાઈ અને તેમની ટીમ દ્વારા NTDNT સમાજની માંગણીઓને લઈને સંબંધિત વહીવટી તંત્રને આવેદન આપવામાં આવ્યું.

સુરત: NT/DNT જનજાતિ હક સમિતિ, ગુજરાત દ્વારા સુરત શહેર કલેક્ટર કચેરી ખાતે કલેક્ટર સાહેબને આવેદનપત્ર આપવામાં આવ્યું.

બનાસકાંઠા: NT/DNT જનજાતિ હક સમિતિ, ગુજરાત દ્વારા બનાસકાંઠા કલેક્ટર કચેરી ખાતે આવેદન આપવામાં આવ્યું. આ રજૂઆતમાં NTDNT હક સમિતિના અધ્યક્ષ રમેશભાઈ નાભાણી ઉપસ્થિત રહ્યા હતા.

✊ “માત્ર ઉજવણી નહીં, હક માટે રજૂઆત”

NTDNT આગેવાનોનું કહેવું છે કે 31 ઓગસ્ટને માત્ર કાર્યક્રમ, ફોટા અને ભાષણ પૂરતો દિવસ ન બનાવતા સમાજના હક માટે અવાજ ઉઠાવવાનો દિવસ બનાવવો જોઈએ.

વિવિધ સ્થળોએ આગેવાનો દ્વારા કાળી પટ્ટી ધારણ કરીને મોટી સંખ્યામાં સમાજના લોકોને એકત્રિત થવા, જાહેર મંચ પરથી પોતાની માંગણીઓ રજૂ કરવા તથા સંબંધિત અધિકારીઓને લેખિત આવેદન આપવા માટે અપીલ કરવામાં આવી હતી.

40 જ્ઞાતિ — એક અવાજ

NTDNT સમાજના આગેવાનો દ્વારા સમાજના તમામ 40 જ્ઞાતિ-સમુદાયને એક થઈને પોતાના અધિકારો માટે લોકશાહી અને શાંતિપૂર્ણ રીતે રજૂઆત કરવા આહ્વાન કરવામાં આવ્યું છે.

આંદોલન સાથે જોડાયેલા આગેવાનોનું સ્પષ્ટ કહેવું છે કે સમાજને માત્ર કાર્યક્રમો નહીં, પરંતુ પોતાના હક અંગે નક્કર નિર્ણય જોઈએ. આવેદનો દ્વારા સરકાર અને વહીવટી તંત્ર સુધી સમાજની માંગણીઓ પહોંચાડવામાં આવી છે.

NTDNT સમાજની આ માંગણીઓ હવે માત્ર એક વિસ્તાર પૂરતી નહીં, પરંતુ ગુજરાતના વિવિધ જિલ્લાઓ અને તાલુકાઓમાંથી ઉઠી રહી છે.

🔥 હક માટે અવાજ — દરેક તાલુકાથી!

🤝 40 જ્ઞાતિ — એકતા અને અધિકાર માટે!

✊ માત્ર ઉજવણી નહીં… પોતાના હક માટે રજૂઆત!